موالات

رحماك رب العرش محبوبي نار وجَن

الطول طول النبع وعيون تزهي وجن

وشفاف تُـنكط عَسل والشعَر ليل وجن

يمشي أبدلال وغنج ودرب العشك فاتن

والعين تربي الدرب وتنبي الكلب فاتن

والشيب بيه أشتعل أسنين العمر فاتن

والناس ماتعذرك شايب تكول وجن

                           ****

ظالم ألي بعشرتك وعليك كَلبك شهَد

أتوب ورجع ألك أمـجـتـفـني حبك شهد

حنظل جرعتَه أقبلت ولا ضكت منك شهد

هلبت يجود الوكت صبري خلص عـمره

أبحبك زرعت الأمل أندك ساسه ونعمره

لو جدت وصلك أليّ حجه وألك عمره

ماينكسر خاطرك شايب وهام أبشهد