• العراق الفاز
- تم إنشاءه بتاريخ الجمعة, 11 حزيران/يونيو 2010 16:42
- الزيارات: 1841
حامد 
كعيد الجبوري
العراق الفاز
الى القائمة الوطنية الشريفة التي يزعمون أنها لم تفز
ميهمني كل الصار من فشل لو فوز
الكشر يوكع دوم واليبقه لب جوز
**************
شد حيلك تره الدنيه محطات
مو ياهو اليجي يركب قطاره
محطات الصبر بيها الخسارات
الربح بالأيد للطال أنتظاره
أشكد يفرح الغيم ينثها زخات
ويحصدها الجراد يلم خضاره
وطبع العيط ما يترجه تالات
وكل موسم كصاص أيذب بشاره
خفافيش الدروب أتريد ظلمات
وين تروح من يشرق نهاره
محسومه النتيجه والزمن آت
العراق الفاز مايقبل خساره
شاطر يندعي وفاز أبملذات
بالتزوير منريد الشطاره
حامد كعيد الجبوري
2010 م
المتواجون الان
352 زائر، ولايوجد أعضاء داخل الموقع
