نصيحة موت -//- شعر: حامد كعيد الجبوري
- تم إنشاءه بتاريخ الخميس, 15 آب/أغسطس 2013 13:24
- الزيارات: 1637
حامد كعيد الجبوري
نصيحة موت
أنصحك يا كلب عوف العتب واللوم
رجلك بالكبر ومعلك أبشعره
ستين أعبرت شتريد عمرك نوح
وحفار الكبور أمكابل الحفره
لا تكتب شعر تتغزل بمحبوب
الميهزه الشعر ما يعرف القدره
أنصحك باب كلبك قفله بالمفتاح
وأخذ مفتاح كلبك بالبحر شمره
بطل يا عشك يا شوك يا محبوب
والبعمرك أمدوهن ينتظر كبره
***
كضيت العمر نحله وتطوف ورود
لحد آخر محطة وما نلت زهره
ألوان الزهر وأعرف عسلهن وين
أتيه للورد ويصيح ألي عطره
آيات الشعر قرآن للعشاك
وعذرا ما يصح تتغزل أبصخره
ما أكتب غزل ألا وتذوب الروح
وأنت آخر خساره وما بقه نخسره
( قيس بن الملوح ) عاشك ومجنون
وب( ليلى ) أبتله وأشتهرت بشعره
مو ابن ( الملوح ) آنه أبن جبور
و( بت الناس ) شعري الخاطره تكسره
أصبر عالهجر متعلم الحرمان
مثل ( قيس ) أصطبر وتعلمت صبره
ناقوس الشعر ويكّعد الغافين
يصل كلب الحبيب وعمداً ينكره
سديت الكلب والغزل بطلناه
واليكتب غزل يجوّي الكلب جمره
أشيّع روحي بيدي وللكبر أختار
ولا ريدك تجيني وفاتحه تقره
***
المتواجون الان
616 زائر، ولايوجد أعضاء داخل الموقع