أبن الشعب// حامد كعيد الجبوري
- تم إنشاءه بتاريخ الجمعة, 07 شباط/فبراير 2014 18:21
- كتب بواسطة: Super User
- الزيارات: 1409
أبن الشعب
الى الزعيم الشهيد عبد الكريم قاسم
حامد كعيد الجبوري
يا دجلة الخير طيبج من ضفافج دار
أخت الجنان وحوَت ياقوت فُضة ودار
عونه النزَل ساحلِج لو سكن بيج أبدار
جوهرة تاج الوطن رَب البَشر قاسم
عبد الكريم أنجبت أبحب الشعب قاسم
ما يوم أكل خبزته ويّ الشعب قاسم
نسجوا أبحبه عجب نُص الكمر خلتَه
ما حابه أخت وأخو كل الشعب خلته
بالغدر دار الزمن اليومك تظل خلته
مالكو لوله أله بس هاي أله لولَه
بعيونه نام الوطن وبالطيب أله لوله
يتفاخر أعله المجد المجد الأصل لوأله
كَرْمُوه أبن الشعب منطقها بعده لحَد
أبطول السنين المضن وبسيف ثاره لحد
خميت كل الوطن لا دار أله ولا لحد
الخيرعكبه أنجفه أشتات صرنه وشُعب
يبجيه دم الوطن وكلب اليحبه شَعب
يهتف كبل غدرتَه ويصيح يحيا الشعب
ميعوف حبه الشعب لو ألف عام الدار
حامد كعيد الجبوري
المتواجون الان
1145 زائر، ولايوجد أعضاء داخل الموقع