ضاكت يا علي وعمري بمهب الريح
اليحجي يبتلي لو خارجي يسموه
خصمي هو نفسه حاكم التحقيق
مثل يوسف أخوتي والعراق البير
منونه بشمس تجلي سواد الليل
بزمانك سيدي هم الوطن ينباع
ما بعتو الحرم والركن واالكعبه
بزمانك سيدي هم الوطن مذبوح
بزمانك سيدي ما شكلو أحزاب
عدكم برلماني عالشعب حاقد
ناقشتو وثيقة بيع للمحتل
يحمي للكراسي وينهب الخيرات
فسيفساء عدكم لو شفافيه
قسمتوا الوزاره للوقف سني
وزعتوا الكراسي بس سياسيين
بثياب السياسي جيوب ما يملك
الرواتب عالشريعه توزعت مولاي
وّيمنها علي يحسبني مدري منين
سرحتوا المقاتل مثل ما للجيش
قنينة الغاز الباكها يرجع
وهم عدكم ورّث تتقاسمه الأحزاب
نكطة حيه وطاحت واليصير يصير
وهم عدكم مراجع تختلف عالعيد
وقف ذري المراجع للسياسيين
يابه الغوث أغثنه و يا علي أدركنه
أقلع باب خيبر ردت من جديد

**

على ساعه العواصف ريح وتطشره
اليسكت ينذبح ويموت بالحسره
ألمن نشتكيله ونسكب العبره
ولا وارد يذب أحباله للبشره
يسيرون أعله نهجك يتبع اثره
معروض بمزاد ومرخصه السعره
ما بعتوا المدينه وكبة الصخره
مدفون بظلام وضيعوا كبره
أصحاب الخيم والألويه النكره
على جتافه صعد ومجازته ينكره
حبيتوا الأيادي بكاعك تجسره
يضيّع للعراق ويحرس الخضره
مناصبكم توافق لو على الخبره
وشيعيه وزرع ما بينهم جمره
أصحاب الجناسي السوده والحمره
قاصات بسترته وباب أله وحجره
ومن توصل حلكنه نلوج عالكطره
معارض للحكم لو متبع مطره
منحل ينحسب يتنكر القدره
سياسي منفصل والمنصب أشكبره
شما خلف الطاغي الباكه يدخره
ولا مرسل نزل لا غايب أنطره
مرجع يبقه صايم مرجع يفطره
ردت مرجع يصرّح موقفه أيجهره
يا كهف اليتيم وخيمة الفقره
وخل شعب العراق بزندك يعبره