كـتـاب ألموقع

خريج وعاطل عن العمل// عباس طريم

• 

تقييم المستخدم:  / 0

سيئجيد 

المجموعة: عباس طريم

تم إنشاءه بتاريخ الأربعاء, 18 كانون2/يناير 2023 19:22

كتب بواسطة: عباس طريم

الزيارات: 1583

عباس طريم

عرض صفحة الكاتب 

خريج وعاطل عن العمل

عباس طريم

انه مليت انه مليت .... خريج اوكاعد بالبيت

انه مليت انه مليت .... عطال اوكاعد بالبيت

+

يوميه اويه عيالي صراخ ... طكه وطيح وطيخ وطاخ

مريتي اتطالبني ابمسواك ... وكل يوم انه اوياهه اعراك

المسكينه اتحصللهه اطراك ... لو صعدت عندي اوحريت

+

جندوب امكابل بدريه .. واتخنزر كل ساعه عليه

اتخنز وادري اتريد اكروش..وتندب حظهه ابوسط الحوش

واتسمعني .. اتصيح الدوش .. لياحد عاطل ما بي هيت

+

ممنوع اليحجي و يتنفس .. واليكعد يمي ايصيراخرس

الكل يمي ايدنكون الروس .. وياويله اليطلبني افلوس

وابني اكويطع من ايحوس .. خياط ابراسه احسب خليت

+

+

ناطر بالبيت التعيين .. وكلما اراجعهم ... بعدين

واحد كلي احذر لتدوس .. انعينك بس انطينه افلوس

كتله وروح امك مهلوس .. هلستهم كال المن جيت

+

امي اتصيح الله واكبر .. مشتهيه اكل راس اشونذر

ولكم ما شفنه التفاح .. وما ضكناه من يوم الطاح

صاحبنه امخلصهه ادياح .. حسفه ويه الدايح ظليت

+

واتلوم امي وتحجي اجماله.. واتكلي اطلع للعماله

ويالخلفه اطلعت انه وجوكه .. وكلولي ابسرعه اشمرفوكه

ومن شمريت اول طابوكه .. طكيته ابراسه اوشرديت

+

امي اتخاف انجن واتخبل .. واتدور لي وتنشد عن حل

كل يوم انروح الكشاف .. يطكني ويصرخ لا لتخاف

ايكلي ابراسك جن اصناف ..وانه ادري ابروحي انجنيت

+

لا ما ظلت عندي اعصاب .. واتعارك حته اوي الباب

ااتدخل بالمايعنيني .. مره ابوكس وغلكو عيني

ومره باسعاف اموديني .. للعمليات اوحسيت

+

مليت امن الكعده لوحدي .. اموشل ومصفر ما عندي

بطال واكتب اشعار .. وبالصدفه اندك باب الدار

ومن اعرفته ايريد ايجار .. من الحايط كمت ونطيت

+

اضطريت ادين من ماضي .. وماضي انطاني وخابر راضي

وراضي نشرهه ابيوم الثاني .. وانطاهم اسمي اوعنواني

وعلج ابحلك الكل خلاني .. وانتشرت بالانترنيت

+

مكرود انه وحظ ما عدي .. بس عشتو ايسموني افندي

مفلس والبس ربطه وقاط .. مشكك بي عشرين اخياط

بجيبي دينارين افراط .. وصمونه اوجاي اتغديت

+

عوذه كتبلي حجي امناتي .. وقطني افلوس وديج اهراتي

وكلي اسمع مابيني وبينك .. اسبوعين اويطلع تعيينك

اتبشر راح اتسد كل دينك .. لهنا , ندهوني اوفزيت

+

انه مليت انه مليت .. خريج اوكاعد باللبيت

انه مليت انه مليت .. عطال اوكاعد بالبيت

• < السابق
• التالي >