كـتـاب ألموقع

شـتـلة دغـل جتـنه لـِفـوْ// ميسون نعيم الرومي

• 

تقييم المستخدم:  / 0

سيئجيد 

المجموعة: ميسون نعيم الرومي

تم إنشاءه بتاريخ السبت, 22 نيسان/أبريل 2023 19:39

كتب بواسطة: ميسون نعيم الرومي

الزيارات: 1337

ميسون نعيم الرومي

عرض صفحة الكاتبة 

شـتـلة دغـل جتـنه لـِفـوْ

ميسون نعيم الرومي

اهـنا يغـيمه التمـر- بالصيـف .. مامطـرت

شتلة دغل جتنه لفو- كل العمر..ما وردت

مثل الحفر بيده الصخر- لا جابت او..لاودت

اهنا يمن

لتجرب امجرب أبد - تنددم تعض ابإيـدك

لعوج أبـد ما ينعدل - ما ينصلح .. ميفيدك

يتحايل اشكال الحيل - والغايه منها..ايصيدك

اهنا يمن

الخاين أبـْـداً ما وفه - والغدر طبعه..اوثوبه

يتستر ابدين اودمع - يحلف يگـول..التوبه

يلعب لعب ما ينحمل - وانت تصير الطوبه

اهنا يمن

لو صدگت مرَّه الچذب - مقبوله .. من طيبك

وانوبه لو صدگت - تستاهل اللي يصيبك

مهضوم تشبع قهر- امحسرتعيش .. ابغيضك

اهنا يمن

راح العمر احسب ولك - واسنين فوگ اسنينك

ما ينفع المال اوذهب - والأرصده متعينك

تلهط اوتجمع سحت - فكر.. التالي .. وينك؟

اهنا يمن

------------------------------------------

ســتوكهولم

24 / نيسان / 2023

• < السابق
• التالي >