كـتـاب ألموقع
چـَـقــَّـه شــبر// ميسون نعيم الرومي
- المجموعة: ميسون نعيم الرومي
- تم إنشاءه بتاريخ السبت, 28 آذار/مارس 2020 19:05
- كتب بواسطة: ميسون نعيم الرومي
- الزيارات: 1918
ميسون نعيم الرومي
چـَـقــَّـه شــبر
ميسون نعيم الرومي
چـَـقـَّـه شـبـر لعبوا لِعـِب
ماينوصف نـِهـْـبـَوا نَهـِب
-(صار الشعب) (صگله اوچعب) *
نـَـفط الوطن كلـَّه انـشـرب
سـلطـَة چـذب سـِلطة نـَصب
كلشي انتهى كلشي خـرب
صرنـَه تحـِت خـَط الفـقـر
لعـبـَـوا لعب (چـَـقـَّه شـبـر)*
***
لحزاب السياسه..الخزنه صفـَـت
حصه إله اوحصه إله واتقسمت
جتنه (كورونا) امحزمه واتونست
لا مشفه عدنه اولا دوه واتمددت
-(كلمن خِـتـَـل) والساسه كلهه غلست*
-(علاوي) ينخه،اولا فلس ما حصلت
ماكـو شـريـف اولا نـَـفـَـر
لعـبـَـوا لعب (چـَـقـَّه شـبـر)*
***
لعـبـَـوا لعب (بلبل حاح)-
*ماي الوجـه كلـَّه طاح
لاذمه لا شرف..كلشي راح
النه المرض الهم فـَـرح
-( كورونا) الهم چن نسـت
من حسرتي گلبي انجرح
ليـون يا دنـيه اوننتظر؟
لعـبـَـوا لعب (چـَـقـَّه شـبـر)-
----------------
*صگله اوچعب ،چـَـقـَّه شـبـر، بلبل حاح:-
من العاب الصبية ايام زمان
-----------------
خِـتـَـل:- توارا عن الأنظار
غلست:- كأن الأمر لا يعنيها
---------------------
علاوي:- وزير الصحة العراقي محمد توفيق علاوي طلب مبلغ لمواجهة وباء كورونا رفضت وزارة المالية
--------------
28/آذار/2020
ســتوكهولم
المتواجون الان
1282 زائر، ولايوجد أعضاء داخل الموقع