مقالات وآراء

ضاع الكدر علينا// محمد علي محيي الدين

• 

تقييم المستخدم:  / 0

سيئجيد 

تم إنشاءه بتاريخ الجمعة, 29 أيار 2015 10:54

كتب بواسطة: محمد علي محيي الدين

الزيارات: 1565

اقرأ ايضا للكاتب

ضاع الكدر علينا

محمد علي محيي الدين

من البديهيات ان سوء الإدارة والجهل بتسيير الامور يؤديان إلى حدوث فوضى أدارية كبيرة تعرقل خطط التنمية والبناء وتعيق عمليات التغيير التي نسعى جاهدين للوصول أليها من أجل رفع المستوى ألمعاشي للفرد العراقي. وبسبب شيوع البيروقراطية في الدوائر والمؤسسات الحكومية نرى مدى الإرباك الذي يعانيه المواطن متجسداً ببطء انجاز معاملته،وذلك بفضل القوانين السارية التي لا زالت حبيسة الطرق القديمة البالية وقد تجاوزتها أكثر الدول في ظل ثورة المعلومات وانتشار التقنيات الحديثة بالتعامل بين الدوائر المختلفة، حيث يستطيع المواطن في البلدان المتحضرة الحصول على جواز سفره وأي وثيقة رسمية في غضون ساعات قليلة. في الوقت الذي لا زلنا نعاني من الروتين القاتل.

وهنا على الحكومة الحالية أن تعيد حساباتها باصدار جملة من القرارات الادارية لإختزال المراجعات غير المجدية وإلغاء الكثير من المفاصل الزائدة، واعتماد وسائل الاتصال الحديثة في التعاملات الادارية بدلا من الطرق القديمة التي عفا عليها الدهر. فهل تطيح ثورة المعلومات بالأطر القديمة أم ينتصر القديم على الجديد لنبقى بذاك الطاس،وذاك الحمام.

صرخ سوادي:عاشت أيدك ولا عاب حلگك،هذا الحچي الزين اللي تريده الناس مو حچت دار فور، وگال ساحل العاج، أحنه وين وذولاك وين؟ حاچيني بمصيبتي وعيف مصايب الوادم، شفنه أشكال وارناگ لحد سأل علينه ولحد جابنه بالطاري، وگول عله لساني والله لو يدرون المسؤولين شيصير بالدواير چا شگو أهدومهم وطلعوا مصاليخ، ولو يدرون صايره كلمن أيده أله يطلعون القوانين من مزبلة النظام السابق وردوا من جديد لو تدفع لو تشلع، وردت العنجهية الفارغة، وما يدرون الموظف خادم للناس مو الناس خدام عد الخلفوه، ويأخذ راتب عالخدمه اللي يقدمها لسوادي وربعه مو عله حساب جهامته الحلوة، مو النوب يردون سوادي ينطيهم حتى يسوون معاملته، وإذا تگولون اشتكوا، عدمن نشتكي، وكلهم شركه بالوارد من يخلص الدوام، والحكومة لأزم تقدر الأمور وتشوف حل، وإذا تيهنه الگدر نظل طول أعمارنه ما نلبس ثوب، يگولون يوم من الأيام الشمس خطبت الگمر، وچان الجهاز عله العروس، دزت الخياط يفصل الهه ثوب، أخذ الخياط الگدر وچان الگمر استوه طالع، بعد أسبوعين أجه يگدر الثوب عليه، لگه الگمر كبران، خبر الشمس بالصار، گالتله فصل ثوب جديد، أخذ القياس ماله وخيط الثوب الجديد، لمن گدره عليه طلع چبير، راح للشمس وخبرها، گالت للگمر(يا گمر گللنه شنو مقياسك تره ضاع الگدر علينه)عاد ولا أحنه، لو تگولون ديمقراطية، لو تگولون بيروقراطية، وهيه كلها قراطيه، حتى نعرف شنسوي، نمشي عالقانون، لو نبلع الموس ونسكت؟

• < السابق
• التالي >