كـتـاب ألموقع

يوميه حرايق وانفجارات// شعر: عباس طريم

• 

تقييم المستخدم:  / 0

سيئجيد 

المجموعة: عباس طريم

تم إنشاءه بتاريخ الخميس, 11 حزيران/يونيو 2015 15:15

كتب بواسطة: عباس طريم

الزيارات: 1764

اقرأ ايضا للكاتب

يوميه حرايق وانفجارات

عباس طريم

يومية حرايق وانفجارات ... وكلهه اتصيح لا للطائفيه

يومية حرايق وانفجارات .. وكلهه اتصيح لا للطائفيه

_______

يوميه حرايق وانفجارات

وكلهه اتصيح لا

للطائفيه

+

يومية مذابح واغتيالات

وكلهه اتندد ابأهل

الرديه

+

تتعرض الشعلة للهجومات

وتتعرض مثلهه

الاعظميه

+

تنادي بالحرص كل الشعارات

ولينادون بيهه

الحراميه

+

هذه ايصيح ذولاكه حثالات

وذاك ايصيح ذوله

سرسريه

+

كلهه اتصيح تبا للمعاناة

وكلهه اتطالب ابحق

الرعيه

+

وكلهه اتبوك جهرا بالوزارات

وكلهه اتريد شنق

الحراميه

+

كلهه اتشيد وتبني عمارات

وزوارق بالنهار

الخليجيه

+

ويكولون احنه اهل الامانات

وكل واحد ايصرح بيضه

اديه

+

شعب للاسف ما عنده اختيارات

استسلم للقدار

وللمنيه

+

العراق ايعيش هذا اليوم مأسات

اكثر من ماسي

البربريه

+

سنه وشيعه في سائر الحارات

ينذبحون جهرا

عالهويه

+

عمر جان وعلي ضد الحزازات

وضد الظلم والشر

والاذيه

+

بنو تاريخ يزخر بالحضارات

انتو شمالكم

يالافنديه

+

التهيتو بالتقاتل والصراعات

ونسيتو الله شوصه

بالرعيه

+

شي ملتهيه بس بالاحتفالات

وشي تلطم على الماتو

ضحيه

+

عراقيين نحتاج المصحات

وفحص للوايرات

الدماغيه

+

بشخصياتنه الف انقسامات

وكل واحد أله راي

ابقضيه

+

الطيب ممكن انسميه بالذات

والبذات .. طيب صافي

نيه

+

وحرامينه ..نسميه ابو الشدات

والحر الكريم .. اصل

البليه

+

يوميه الحكومتنه اجتماعات

وبس الموت , تاليهه

الهديه

+

بعد كل كارثه نسمع خطابات

الارهاب انتهه ميه

بالميه

+

حركتنه نذبهه بالمقالات

عسه نرتاح ساعة امن

الاذيه

+

عافت دارنه حته الحمامات

وكالت هسه يندارو

عليه

+

اليطلع للشغل يقراله ايات

وينطي المرته واطفاله

الوصيه

+

مصيبه امن السمه وطاحت يسادات

ما تنحل وحق رب

البريه

+

الهي نسألك تجمع الرايات

تحت راية الام

العراقيه

+

الى الانبار والبصرة سلامات

والبغداد وارض

الشماليه

+

الهي الشعب خلصه من الحزازات

وتجمع كل شعبنه ابفرد

نيه

+

بحق الله ورسوله الطيب الذات

وال البيت واصحاب

الحميه

+

وبشطيط اتذب اهل الحماقات

لان همه الحثاله

وسرسريه

+

عباس طريم

• < السابق
• التالي >