كـتـاب ألموقع
خصله الشرف بالطيبين// عباس طريم
/ 0
- المجموعة: عباس طريم
- تم إنشاءه بتاريخ الأربعاء, 10 حزيران/يونيو 2020 11:27
- كتب بواسطة: عباس طريم
- الزيارات: 2006
عباس طريم
خصله الشرف بالطيبين
عباس طريم
خصله الشرف بالطيبين ... اتعيش اوتكبر الخصله
وصاحبهه يظل عنوان ... الف هنياله اليحصله
الشريف الينثر الطيب ... وكلامه ايوزنه ويفصله
اما الخسه بالانذال ... التكطعك الف وصله
التصدر عن الما معروف ... لا اصله ولا فصله
هذه اللي فراكه العيد ... واكثر من حزن وصله
لا تعتب عله الانذال ... كلمن يعمل ابأصله
الناس اعله الردي ايكولون.. بيه الخسه متاصله
واكو الطيب وبو الطيبات .. سواد العين يرخصله
فرق بين التجيه عناي ... وكلشي ابالك اتحصله
وبين اليبخل اعله الناس ... لو حته ابكشر بصله
الصفات الطيبه بالطيبين .. دوم اتكون متصله
وصفات الخسه بالانذال .. عكس الطيب منفصله
ملينه الزبل ياهو ... اليجي وللحاويه ايوصله
عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
المتواجون الان
1009 زائر، ولايوجد أعضاء داخل الموقع
