دووو بيت ..- ألراتب// زهير كاطع الحسيني

• 

تقييم المستخدم:  / 0

سيئجيد 

تم إنشاءه بتاريخ الإثنين, 23 أيلول/سبتمبر 2019 19:25

كتب بواسطة: زهير كاطع الحسيني

الزيارات: 2307

زهير كاطع الحسيني

عرض صفحة الكاتب

دووو بيت ..- ألراتب

زهير كاطع الحسيني

مآخذ راتبي ومَرات أحسبه

ما جَن  راتبي إلـ آني أعرفه

ما أصدك نِكَص والعيشه صَعبه

موّ  سِلّم طِلع ثعبان إكلنه !

   *   *

ناقص راتبي حاشاكم الله

والناقص تره ما نِمشي ويآه

يلازمني ويكَلي ضمني عمآه

مِن جان كامل ما كفّه إلرَعيه !

   *   *

سوده إمصخمه جَتي إلعلاوه

شِلناها إلسَنه إنطيناها خاوه

ما أفرح بَعد مِن إبن آوه

جان إلمالكي أرحم علينه !

   *   *

راتِب هلّ شَهر مَرخوص أصرفه

مِن أول إلشَهر دَيني أعرفه

مِن الله إلرِزق يا ربي لُطفه

مِن ذَهب إلمَره بايع أساور !

زهير كاطع الحسيني

• < السابق
• التالي >